Ceuta, Spanish: Ceuta [ˈθewta]; arab. Sabta, masir. Sebta, is a autonoma Stod vo Spanja af n afrikanischn Gstod vo da Strouss vo Gibralta. Midrana Flechn vo 18,5 km² is 2017 is dej Bvelkaring umma 84 959 Leitn gweng.[1] Dej Bvelkaring setzt se zamm vo Christn, Muslimm u weitana klejnnana Mindahaitn, doudrunta Sefardn u Hindu. Es Stodzentrum u d Altstod ling i da Gnejchtn von Hafn un om Hang von n Monte Hacho af da Halbinsl vo Almina.

A Koatn vo Ceuta.
D Prowinzn u Prefektuan vo da Region Tánger-Tetuán (2010).

I da Dschbala-Region in n Rif ba da Noadseitn vo Marokko ligt s af da Grenz zwischn en Mittlmeea un en Atlantischn Ozean. Es is zamm mid Melilla oans vo de nein bvelkatn spaneschn Terretorja z Afrika u oans vo de zwoa bvelkatn spaneschn Terretorja af da afrikanischn Landmassn. D Stod houd bis zen 14. Miarz 1995 za Provinz Cádiz ghejat, en Toḡ, wou d Autonomi-Statutn vo Ceuta u Melilla duache han. Dennat richtt se d hejchana Asbilding nou da Universitejt vo Granada,[2] is s judizial en Tribunal Superior de Justicia de Andalucía, Ceuta y Melilla z Granada zouglidat u kirchle ghejats za Diozesn Cádiz y Ceuta.

Zwengs da strategaschn Loḡ hod da Hafn vo Ceuta a gwichtinga Rolln fia s Passian vo da Mearenga u fia Vabindunga zwischn en Atlantik un en Mittlmear ghobt. Weng en gachn beagatn Gstod u da Trickn vo Wossa, von n Eneagiquelln u vo primea wichtingan generell, ogseng vo Fisch, hom da Primeasektoa u da Sekundeasektoa i da Ekonomi koa groußs Gwicht niad. Aa da Bausektoa is kloa, wal da Grund oda a Boḏn fahlt, wou ma grouß wos hibaun kantat. Dennat houd Ceuta an Freihafn u Fiskalfensta, dej wou en Handl fiadan solln. Dej Landgrenz trennt Ceuta vo de marrokanischn Prefektuana Fahs Anjra u M'Diq-Fnideq, dej wou allzwou za Region Tánger-Tetuán-Alhucemas ghejan. Vur en Beitrid vo Spanja za Europejschn Union is Ceuta, wej Melilla u d Kanarischn Insln, Toal vonrana frein maritiman Wiatschaftszona gweng.[3] Spanesch is d Amtssproch, a Marrokkanisch-Arabisch wiad vo umma 40 bis 50 prozent vo da Bvelkaring gredt.[4][5]

Galeri Werkeln

Beleg Werkeln

  1. «INE». Instituto Nacional de Estadística. 27. Dez. 2017. Afgrouffn en 9. Fewa 2018.
  2. «Secretaría General: El rector preside en el Campus de Ceuta la presentación del libro “De la Escuela Normal a la Facultad de Educación y Humanidades de Ceuta: 75 años de historia" | Universidad de Granada», secretariageneral.ugr.es. Afgrouffn en 25. Settemma 2018.
  3. Ferrer-Gallardo, Xavier (2008). "The Spanish–Moroccan border complex: Processes of geopolitical, functional and symbolic rebordering". Political Geography 27 (3): 301–321. doi:10.1016/j.polgeo.2007.12.004. https://archive.org/details/sim_political-geography_2008-03_27_3/page/301. 
  4. Verónica Rivera (December 2006). "IMPORTANCIA Y VALORACIÓN SOCIOLINGÜÍSTICA DEL DARIJA EN EL CONTEXTO DE LA EDUCACIÓN SECUNDARIA PÚBLICA EN CEUTA" (in es). Revista Electrónica de Estudios Filológicos (12). ISSN 1577-6921. https://www.um.es/tonosdigital/znum12/secciones/Estudios%20U-CEUTA.htm. 
  5. Fernández García. "Nacionalismo y representaciones lingüísticas en Ceuta y en Melilla". Revista de Filología Románica (1). ISSN 0212-999X.