Botswana, amtle engl. Republic of Botswana, (se)Tswana: Lefatshe la Botswana; Kalanga: Hango yeBotswana, is a vo Land umschlossna Stoot in n sidlinga Afrika. Botswana is topografisch, mid fast 70 Prozent vo da Flechn i da Kalahari-Wejstn, recht eemm. Es grenzt in n Siḏn u Sidoustn mid Sidafrika, in n Westn u Noadn mid Namibia un in n Noadoustn mid Simbabwe zamm. Dej Grenz mid Sambia in n Noadn ba Kazungula vo hejkstns a poa hundat Meeta is niad goud defeniad u ligt mittn in n Sambesi-Fluß.[1]

A Koatn vo Botswana.
Nu a Koatn vo Botswana.
D Distriktt vo Botswana.

Wej a mittlgroußs Land mid kamm mejra wej 2,3 milliona Leitn is s oins vo de am wengan bvelkatn Lenda i da Welt. Umma 10 Prozent vo da Bvelkaring lebt i da Haptstod u grejsstn Metropoln Gaborone. Frejas oins vo de ermman Lenda, mid an pro-kopfatn BIP vo umma 70 US-Dollar a Joua i d 1960gana, hod se Botswana dasida gwandlt in a hejchas Mittleikummaland mid oina vo dej am schnellan wachsatn Ekonomin.[2]

Da Homo sapiens hod duat schou vo iwa 200 000 Jouana glebt. Dej Tswana, wou vo de Bantu-Sprouchn sprechatn Velkln kumma, han af Sidn is heitinga Botswana owa ejascht umma 600 n. Chr. eigwandat u hom zejascht amol in Enklavn als Bauan u Hiatn glebt. Af zletzt hom nou aa d Britn an Weḡ douhea gfunna u s Land 1885 zou an Protektorat gmacht u Betschuanaland tauft. Wej s wira entkolonesiat woan is, is s Land en 30. Settemma 1966 min heitinga Nama Botswana a unohangeḡa Repablik von n Commonwealth woan.[3] Dasida is s a representativa Repablik mid reglmaassing demokratischnan Woln un da nidastn Korrupzionsratn vo Afrika seit iwa 20 Jouanan.[4]

D Wiatschaft oda Ekonomi wiad domeniad von n Beagbau, da Vejchahaltung u da Turisterei. Botswana houd mid umma 17,767 US-Dollar pro Kopf 2019 oins vo de amhejchanen BIP i Afrika.[5] Es houcha Burttonazionaleikumma git an Land en recht houchn Lemsstandard un oinn vo de bestn HDI-Wert vo Afrika.[6] Botswana is a Mitglid vo da Afrikanischn Union, da Antwicklingsgmoischaft von n Sidlinga Afrika, en Commonwealth of Nations u de Vaointn Naziona. Es Land hod d HIV-Epidemi hoat troffn un umma 20% Infiziate.[7][8][9]

Galeri Werkeln

Beleg Werkeln

  1. Darwa, P. Opoku (2011). Kazungula Bridge Project (PDF), African Development Fund. p. Appendix IV. Archiviad en 14. Nufemma 2012. Afgrouffn en 4. Mai 2012.
  2. Zibani Maundeni, Dorothy Mpabanga, Adam Mfundisi: Consolidating Democratic Governance in Southern Africa : Botswana. 1. Jenna 2007.
  3. Bechuanaland was the former name of Botswana. Archiviert vom Original [1] am 23. Meaz 2015. Abgerufen am 21. Mai 2021.
  4. overview of CPI indices.
  5. Botswana.
  6. Gross national income (GNI) – Nations Online ProjectBitte entweder wayback- oder webciteID- oder archive-is- oder archiv-url-Parameter angeben. Nationsonline.org. Retrieved on 27 October 2016.
  7. The Gap Report. UN AIDS. 2014.
  8. https://www.unaids.org/sites/default/files/media_asset/2020_aids-data-book_en.pdf Archivierte Kopie (Memento des Originals [2] vom 3. Juni 2021 im Internet Archive)   Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.unaids.org
  9. HIV and Aids in Botswana. Avert International Aids Charity. Archiviert vom Original [3] am 28 February 2009. Abgerufen im 21 June 2016.