D Komorn, amtle komor. Udzima wa Komori, franz. l'Union des Comores, arab. al-Ittiḥād al-Qumurī (الاتّحاد القُمُري), han a Inslstoot in n Indischn Ozean, af da neadlinga Seitn vo da Strouss vo Mosambik wisawi en Gstod vo Oustafrika. Es hod meernata Grenzn mid Madagaskar un en franzesischn Departmo Mayotte af n Sidoustn, mid Tansania af n Noadwestn, mid Mosambik af n Westn u de Seyschelln af n Noadoustn. D Hapstod u grejssta Metropoln is Moroni. D Stootsrelleḡjon u Relleḡjon vo da Iwazohl vo d Leitn is da sunnitische Islam. Aswej a Mitglid vo da Arabischn Liga is s es oinzinga Land vo da Arabisch-rednatn Welt, es wou ganz af da sidlinga Hemisfer oda Halbkugl ligt. Es Land is weitas a Mitglid vo da Afrikanischn Union, da Francophonie, da Organisazion fia Islamische Zammorwad u da Commission de l’Océan Indien. Amtsprochn han Komorisch, Franzesisch un Arabisch.

A politische Koatn vo de Komorn.
A Koatn vo de autonomm Inslregiona.
A Koatn vo 1747.

Mid 1,861 km², wenma d umkepfta Insl Maore (Mayotte) assanimt, han dej Komorn nou da Flechn af Plotz veja vo de kloawinzingstn afrikanischn Naziona. Dej Bvelkaring wiad, wenma d Insl Maore (Mayotte) assanimt, fia 2019 af 850 886 Eiwõhna gschetzt.[1][2] Aswej a Land, es wou se gfurmt houd af dej Kreizweḡ zwischn vill vaschinane Ziwelisaziona, is da Archipl vod Komorn vawißt u bakannt zwengs sana vo villaloa Seitn pregtn Kultua u Gschicht.

Da suwerena Stoot setzt se zam vo drei Haptinsln un a Villzohl vo klejnnane Insln, d wou allsamt zen vulkanischn Archipl vo de Komorischn Insln ghejan. Dej drei Haptinsln, von n Noadwestn nou Sidn un Oustn Ngazidja (Grande Comore), Mwali (Mohéli) u Ndzuani (Anjouan), kennt ma am mejran unta irnan franzesischn Naman. Es Land furdat aa a vejata Haptinsl ganz in Sidwestn Maore (Mayotte), aa wenn d Bvelkaring vo Mayotte 1974 genga d Unohangekait vo Frankreich gstimmt houd. Frankreich houd a Veto genga dej UN-Sichahatsresaluziona eiglegt, dej wou d komorischa Suwerenitejt iwa d Insl dakkadian u banejsn.[3][4][5][6] Weitas is Mayotte 2011 nou an Referendum midrana groussn Iwazohl i da Bvelkaring a Iwasejdepartmõ u Region vo Frankreich woan.

D Komorn han zejascht bsidlt woan vo Bantu, Arabisch un Austronesisch rednate Velkln. Nou han s in n Laf von n 19. Jh. a Toal von n Franzesischn Kolonjalreich woan, vur dass s 1975 d Unohangekait daglengt hom. Dasida hod s mejra wej 20 Putsch oda Putschvasouch gem mid mejrana Stootsscheff, wou s a Kepfall kiaza gmacht hom.[7][8] Zamm mid da dauahaftn politischn Instabilitejt hod s Land mid dej grejsstn vadejnarischn Untaschidt af da Welt mid an Gini-Koeffizjentn vo mejra wej 60% u ranschiat in n untann Viarl von n HDI. Umma 2008 hod d halma Bvelkaring unta da weltweitnan Armutsgrenz vo 1,25 US-Dolla en Toḡ glebt.[9] Dej gfurdata franzesischa Inslregion vo Maore (Mayotte) is dageng es Flekkal i da Strouss vo Mosambik, wou s am mejran prosperiad u woudlt.

Galeri Werkeln

Litratua Werkeln

  • Ottenheimer, Martin u Harriet Ottenheimer: ''Historical dictionary of the Comoro Islands'', Scarecrow Press 1994.
  • Walker, Iain: ''Islands in a Cosmopolitan Sea: A History of the Comoros'', Oxford University Press 2019.
  • Olivier Hawlitschek, Rémy Eudeline u Antoine Rouillé: ''Terrestrial fauna of the Comoros Archipelago'', Field Guides 2020.

Beleg Werkeln

  1. ""World Population prospects – Population division"". population.un.org. United Nations Department of Economic and Social Affairs, Population Division. Afgrouffn en 9. Nufemma 2019.
  2. ""Overall total population" – World Population Prospects: The 2019 Revision" (xslx). population.un.org. United Nations Department of Economic and Social Affairs, Population Division. Afgrouffn en 9. Nufemma 2019.
  3. D ejascht UN General Assembly Resolution doudazou "Question of the Comorian island of Mayotte (PDF)", United Nations General Assembly Resolution A/RES/31/4, (21 October 1976) moint "the occupation by France of the Comorian island of Mayotte constitutes a flagrant encroachment on the national unity of the Comorian State, a Member of the United Nations," loint es Referendum, wou duach d Frankreich duachgfejad woan is, o u vautoalt d franzesischa Presenz z Maore/Mayotte.
  4. Wej s asgowad is vo de Organisazion vo da Afrikanischn Oahait, da Bewegung vo d Blockfrein Stootn, da Organisazion fia Islamische Zammowad u da Generalvasammling vo de Vaointn Naziona moint dej aktuellana UN General Assembly Resolution zou da Insl, "Question of the Comorian island of Mayotte," United Nations General Assembly Resolution A/RES/49/18, (von n 6. Dezemba 1994): "the results of the referendum of 22 December 1974 were to be considered on a global basis and not island by island,...Reaffirms the sovereignty of the Islamic Federal Republic of the Comoros over the island of Mayotte". Resoluziona mid an vagleichboan Inholt hod s aa 1977 (31/4) u 1994 (49/18) gem.
  5. Subjects of UN Security Council Vetoes. Global Policy Forum.
  6. Article 33, Repertory, Supplement 5, vol. II (1970–1978).
  7. Anti-French protests in Comoros . 
  8. Intrigue in the world's most coup-prone island paradise.
  9. Human Development Indices, Table 3: Human and income poverty, p. 35.